සිංහ රාශිය
මෙම රාශිය සිංහයෙකුගේ රූපයෙන් හඳුන්වා දී උගේ ඔළුව පළමුව උදාවන සේ පෙන්නා ඇත. එනිසා එය හිසින් උදාවන රාශියකි. ගිණි රාශියකි. තිර රාශියකි.
- තිබෙන දේ ආරක්ෂා කර ගැනීමට කැමතියි.
- පැවතී එන දේට එලෙසම ගරු කරයි.
- ආත්ම විශ්වාසය ඇති අයෙකි.
- ප්‍රධානත්වයට ආශාවක් දක්වයි.
- සටන් කිරීමට පෙළඹුණහොත් අන්තිම අවස්ථාවේදීවත් යටත් නොවෙයි.
- හරි හෝ වැරදි හෝ වේවා කරන කියන දේවල් වල ඇති වටිනාකම පෙන්වීමට කැමතියි.
- සටන් කරන්නෙකු සේ පෙන්වා හැකි තරම් දුරට සටන් නොකරයි.
- බැස ගත තීන්දුව වෙනස් නොකරයි.
- තද ස්ථිර ගතියක් ඇති කරයි.
- එනිසාම කරන කියන වැඩ කටයුතු සාර්ථක වෙයි.
- අදහස් ආදියට පක්ෂපාත නම් ඉතා හිතවත් වෙයි.
- උද්යෝගිමත් අයෙකි.
- ආඩම්බර කෙනෙකි.
- ඕනෑම අමාරු වැඩක් කිරීමට භාර ගනී.
- ආදරය කරනවානම් ඇත්තටම ආදරය කරයි.
- තමාගේ කටයුතු ගැන අන්‍යයන් ඇඟිලි ගසනවාට කැමති නැත.
- තම දරුවන් ගැන හෝ සහකරුවා ගැන හෝ කිසිවෙක් ඇද පලුදු කියන්නට ගියොත් ඔහු පන්නා ගනී.
- රාජපාක්ෂික වෙයි.
- තිබෙන ආණ්ඩුව කුමක් වුවත් ඊට විපක්ෂව නොයයි.
- සිහිකල්පනාවෙන් වැඩ කරගෙන යා හැක.
- නිතරම වෙහෙස වීමට කැමති නැත.
- වැඩ කරන විට වෙන දෙයක් ගැන නොබලා කටයුතු කරයි.
- විවේකය අවශ්‍ය වෙයි.
- කෑම අවශ්‍ය විට හොඳට රසවත්ව කන්න පුළුවන් වෙයි.
- විපත්ති මැඩගෙන මතුවී සිටීමට හැකි වේ.
- තේජවන්ත පෙනුමක් යුත් කෙනෙකි.
- කිසිවෙකුගේ අදහසට කන් නොදෙයි.
- හර්දයේ හා කොඳු ඇටයේ අමාරු ඇති කෙනෙකි.
- ශරීරයේ උෂ්ණ ගතිය ඇත.
No comments:
Post a Comment